Noivos
As parellas que estades pensando en casar en breve e teñades, ou non, posta data de voda, podedes poñervos en contacto con esta Delegación de Pastoral Familiar para realizar a inscripción nos Encontros Prematrimoniais que organiza a fin de preparar axeitadamente o sacramento do matrimonio.
Dadas as circunstancias que impuxo a pandemia e o adiamento de numerosas vodas durante este período, houbo que suspender moitos encontros prematrimoniais.
A piques de recuperar por completo a normalidade, estamos elaborando un calendario cos lugares e datas nas que ofrecer eses Encontros nas tres Vicarías que hai na nosa Arquidiocese. Se a evolución da incidencia da pandemia así o permitise recuperaríamos os encontros presenciais.
Namentres non estea elaborado o calendario dos encontros podedes poñervos en contacto con nós a través do correo electrónico da delegación: pfamiliar@archicompostela.org
Pregámosvos que nos indiquedes os vosos nomes, as parroquias das que sodes, un contacto (teléfono ou correo electrónico) e a data da voda. De non haber un Encontro programado buscaremos un matrimonio de axentes da pastoral familiar para manter con vos as xuntanzas esixidas, contando sempre coa vosa realidade laboral e familiar.
