A Delegación de Pastoral Familiar da arquidiocese de Santiago de Compostela convida a todos os diocesanos a participar, a partir deste luns 14 de febreiro, no “Retiro na Casa” proposto dende a app MatrimONio, que se pode descargar no teléfono móvil ou no ordenador dende a dirección appmatrimonio.es.

Unha vez descargada a aplicación, poderanse recibir os materiais para participar no retiro, que se alongará dende o luns 14 ata o domingo 20 deste mes de febrero. Dende a organización do retiro online, a Subcomisión para a Familia e a Defensa da Vida da Conferencia Episcopal, iranse colgando os materiais día a día, ata completar a semana. Pero se por calquera circunstancia non fose posible seguir o retiro na semana adicada ao matrimonio, todas as aportacións seguirán activadas na app para que se poidan utilizar en calquera momento.

O retiro na casa

A app ofrece oito carpetas con múltiples iniciativas para vivir o matrimonio con máis intensidade. Na do retiro na casa aparecen os enlaces aos sete días que durará a experiencia. Como se fose un retiro convencional, os participantes non coñecerán os materiais con anterioridade, de modo que só aparecerán na app os do día correspondente.

Cada xornada terá catro partes: unha meditación a través dun vídeo, unha oración, unha testemuña e unha tarefa ou “deberes” para que o matrimonio ou parella de noivos participante reforcé os beneficios do retiro.

Nova web

Ademáis, tamén a partir do luns 14 de febreiro, estará disponible unha nova páxina web creada ex profeso para esta Semana do Matrimonio: matrimonioesmas.org. A través dela poderase acceder a todos os recursos realizados para a súa difusión nas redes sociais.

A Semana do Matrimonio quere ser unha auténtica campaña vocacional ao matrimonio e demostra a implicación da Conferencia Episcopal Española na promoción e apoio ao laicado.

A campaña enmárcase no Ano Familia Amoris laetitia convocado polo papa Francisco o pasado 19 de marzo coincidindo co quinto aniversario da publicación da exhortación apostólica e que rematará coa celebración do X Encontro Mundial das Familias en Roma, do 22 ao 26 de xuño de 2022.