Clausurado o IV Encontro Interdiocesano de Pastoral Familiar
Os delegados e axentes de pastoral familiar das dioceses galegas celebraron esta fin de semana o IV Encontro Interdiocesano. Foron dúas xornadas de formación impartidas polo profesor da Universidade Pontificia Comillas Fernando Vidal, que abordou os retos e as posibilidades de actuación que se lle presentan na actualidade á pastoral familiar.
Nas xornadas prestouse especial atención ás dinámicas creadas polo propio relator e publicadas nos seus libros “El Reloj de las familias” e “El reloj de los novios”. Asistiron ás xornadas máis de 60 persoas.
Á primeira xornada asistiu o bispo de Tui-Vigo, Antonio Valín Valdés. O encontro clausurouse cunha eucaristía presidida polo bispo de Mondoñedo-Ferrol, Fernando García Cadiñanos.
