A Delegación de Pastoral Familiar continúa presentando o plan para o presente curso polas vigairías e arciprestados da arquidiocese. Acompañando ao bispo auxiliar, mons. Francisco José Prieto, os responsables da Pastoral Familiar presentaron esta semana o seu programa nas localidades de Vimianzo e Santa Uxía de Ribeira.

Ao encontro de Vimianzo acudiron os párrocos dos arciprestados de Duio, Nemancos, Céltigos e Soneira. Ao de Ribeira acudiron sacerdotes do arciprestado de Postmarcos de Abaixo. En ambas as reunións presentouse o calendario dos acontecementos máis relevantes do curso. O primeiro será a II Xornada Diocesana das Familias, que se celebrará o sábado 6 de novembro no Seminario Menor de Santiago coa asistencia do Arcebispo, mons. Julián Barrio Barrio.