A próxima cita, o sábado 5 de marzo na Coruña.

Pecharase o curso o sábado 23 de abril en Santiago de Compostela

A Delegación de Pastoral Familiar celebrou o sábado 26 de febreiro a súa I Xornada de Formación na vigairía de Pontevedra. Axentes da pastoral familiar e algúns catequistas participaron nunha xornada na que se combinou a formación académica co debate e o intercambio fraterno de ideas e iniciativas.

O curso desenvolveuse na casa de Espiritualidade “ Raíña dá Paz”, na cidade de Pontevedra, baixo o título “Bienaventuranzas y Matrimonio”, que impartiu o sacerdote franciscano frei Miguel de la Mata Merayo, gardián do convento de san Francisco de Santiago de Compostela.

Desde a Delegación de Pastoral Familiar agradecemos a cariñosa acollida dispensada polo Vigairo de Pontevedra, D. Calixto Cobo Franco e a comprometida colaboración de d. Javier Porro Martínez, párroco de Santa María a Maior de Pontevedra e Delegado Diocesano de Apostolado Seglar.

Para facilitar a participación do maior número posible de fieis, o curso impártese de modo descentralizado nas tres vigairías da nosa arquidiocese. O próximo encontro será o sábado 5 de marzo na parroquia santuario de Santa Gema, na Coruña. O último será o sábado 23 de abril no convento de san Francisco,.

O curso de formación destínase, en primeiro lugar, aos axentes de pastoral familiar, pero está aberto a catequistas, matrimonios, noivos e fieis interesados.

Por cuestións organizativas é conveniente inscribirse previamente en:

• pfamiliar@archicompostela.org
• prematrimonialesoburgo@gmail.com (Coordinadores na vigairía da Coruña).