O arcebispo de Santiago, mons. Julián Barrio Barrio, presidiu este domingo na catedral compostelá, ateigada de fieis, a tradicional eucaristía na festa da Sagrada Familia. A ofrenda ao Apóstolo Santiago correu a cargo dos novos delegados de Pastoral Familiar, que salientaron o momento que vive a Igrexa, nun dobre Ano Santo e un Ano da Familia Amoris laetitia.

Na súa resposta o arcebispo compostelán fixo fincapé na importancia da familia como “a primeira e mellor escola da educación total no ámbito persoal, relixioso e social. A familia é onde se aprende a aceptación mutua, o diálogo, o contraste de pareceres, o respecto, o amor ao trascendente, o sentido do divino, a medida sen medida da xenerosidade”.

Vodas de ouro

O momento máis emotivo da eucaristía foi a bendición especial que mons. Julián Barrio impartiu a María Jesús e José, un matrimonio con cinco fillos e doce netos que este ano cumpriu as vodas de ouro e aos que o arcebispo lles desexou cumpran as vodas de diamante. D. Julian tivo palabras cariñosas para eles, agradeceulles o exemplo, felicitounos polos cincuenta anos de vida compartida e presentounos como imaxe do amor de Cristo pola Igrexa. Sodes, dixo mons. Barrio, “a proba de que o amor, se se coida a cotío, dura para sempre”.

A música correu a cargo dun coro infantil interparroquial integrado por menos das parroquias de Santa Eulalia de Arealonga (Vilagarcía de Arousa), San Pedro de Cornazo y San Vicente de Os Groves (O Grove).